بوكيهي

امس كان عرس شيوخة بنت عمي , عرس كان ملياان ومزدحم, لكن مع هذا كان منظم و ممتع بنفس الوقت. العروس طبعا كانت زوووغة ماشاءالله, بس اكثر شي لفت انتبهي كان بوكيهها. اول ما شفته صرخت و قلت حق اختي شفتي هذا البوكيه الي كنت ابيه و محد فهمني .....
القصة كانت قبل 6 سنين بليلة عرسي , طبعا اي انسانة بالدنيا تحط احلام و مخططات و مراسيم و سيناريوهات كثيرة ببالها و تبي تنفذها بليلة عرسها , في ناس يتوفقون و يتحقق معظم الي يبونه, في ناس حظهم اوفر و يتحقق اغلب اللي يبونه, انا تحقق لي القليل القليل من الي حلمت فيه و الحمدلله على كل حال.
طبعا بين ملجتي و عرسي كان تقريبا شهرين و نص , خلالهم لازم نجهز للعرس و نأثث الشقة و اجهز نفسي و هم هذي فترة الملجة الي ماراح تحصلي الا مرة بالعمر و لازم استمتع فيها ... الضغط كان كبير و لخبرتنا القليلة بموضوع الاعراس بحكم اني الحفيدة الكبيرة , اقترحت على بنت خالتي مصورة سمسمة ...امنا بالله رحنالها و اتفقنا معاها على التصوير ... الاخت عرضت خدماتها و بحكم ان اخوانا المصريين معروفين بانهم اشطر ناس بالحجي , عرضت علينا انها تسوي العرس كله ...... ورتنا كوش حلوة و بحكم ضيق الوقت وافقنا انها تسويلنا الكوشة و الورد و البوكيه. حلمي ان بوكيهي يكون جوري احمر سااادة ما يدخل معاه اي لوون, طبعا قعدت تتفلسلف : مش راح يطلع حلو لازم ندخل معاه لون تاني , طبعا ذوقهم بدون تعليق .... قتلها بيطلع حلو مالج شغل , صراحة كنت ابيه نفس بوكيه مونيكا بفريندز تذكرونه ؟؟؟؟ الاخت الحبيبة يابتلي اياه احمر و اوف وايت حددددددددددددددددددددددده ذوق مصاروة , انا انصدمت, قتلها ليييش جذي انا قلت احمر بس , طبعا الي يابتلي البوكيه مالها ذنب فكان جدامي خياريين خصوصا ان الساعة كانت 9 ونص وانا خالصة بروح الصالة , يا اني ما اروح العرس الي اهوة عرسي و اتكدر وابجي و اخرب مكياجي و ابوز و اضيع علي احلى يوم بحياتي , او اني ارضى بالامر الواقع و اروح جنة شي ما صار و جني انا الي منقيته جذي . و فعلا رحت و الحمدلله اللي كان قاسملي اتهني ( بليلتي) مع اني ليمن دشيت الصالة كانت الكوشة اشنع من البوكيه بس قلت ميخالف منو بيذكرها عقب سنة ,,, او حتى عقب اسبوع منو بيذكر تفاصيلها , بس انا اللي طول عمري بتذكر ان ليلة عمري كانت تعيسة ....و مر كل شي طبيعي ...... وعقب ما رحنا الفندق , دقت علينا خالت زوجي تبارك له , بعدين قالت له عطني اكلم زوجتك شوية , ليمن كلمتها قالتلي بشاير الله يهداج اش هالكوشة الخايسة ! بدون تعليق

ملاحظة : صراحة مافي على ذوق الكويتيات, ملجتي كلها جهزوها كويتيات و كانت قمة و بوكيهي كان مو طبيييعي.